Servicio

 

Abogado Liber

Cita pa Abogado Liber:

 

Dia di haci cita pa Abogado Liber ta diamars y diaranson entre 1:30 pm te cu 4:00 pm.

 

Loke ta necesario pa haci cita ta un ID (cedula) valido of e formulario di ‘peticion pa abogado liber’ cual a obtenibel na Censo of na Hulpbestuurskantoor.

E formulario aki ta gratis.

 

Carchi pa Abogado Liber:

 

Bo a caba di haci un cita pa bo haci un peticion pa Abogado Liber, pa mira si Gobierno ta paga un abogado pa bo pasobra un persona/compania/instancia a cuminsa un caso contra un persona compania/instancia.

 

Prueba di incapacidad financiero/insolvencia:

 

Hunto cu bo peticion pa Abogado Liber bo ta haci un peticion pa un prueba di incapacidad financiero/insolvencia 'bewijs van onvermogen'. Esaki ta encera cu bo ta haci un peticion cerca un di nos trahadornan huridico/social, pa mira si Gobierno ta paga cierto gastonan di Corte si acaso mester bay Corte.

 

Nos trahado huridico/social lo studia bo situacion financiero pa dicidi si di berdad bo no a por paga e gastonan di Corte, cu ta algo otro cu e gastonan di abogado. E seccion di Abogado Liber lo recomenda un decision si bo por haya e prueba di incapacidad financiero/insolvencia of no.

 

Si bo haya esaki kiermen cu bo no mester paga gastonan di Corte, si bo gana e caso.

Ta ora bo perde e caso y ta abo a lanta e caso, abo mester paga e gastonan di deurwaarder, di yamamento di testigo, gastonan di expert, verschotten. Tambe ora un caso a wordo lanta contra bo y abo perde e caso, abo lo mester paga tur gasto di Corte.

 

Ta solamente si abo kier bay casacion, Corte superior, despues cu bo caso a bay Corte den prome instancia y Corte di spelacion (hof), bo ta haci un peticion separa pa e prueba di incapacidad financiero/insolvencia so.

 
 
 

© 2018 Departamento di Asunto Social - Directie Sociale Zaken

| Oranjestad - Caya Mario E. Harms 11 |San Nicolas- Bernardstraat 75, Aruba |

dsz@setarnet.aw

Tel 528-1100    Fax 583-5171

Bijstand - Guia Social - Bida & Famia - Abogado liber

Abogado liber

KRB

Go to link