Organisacion

 

 

Nos mision

Nos ta yuda bo yuda bo mes pa asina bo desaroya y sigui crece!

Departamento di Asunto Social ta apoya e ciudadano di Aruba den su autodesaroyo y participacion social pa asina su calidad di bida por aumenta y asina tambe promove un Aruba mas fuerte.

 

Nos vision 

Nos trabou ta tuma lugar den un ambiente sigur y stimulativo. Nos regla, norma y balornan ta transparente.

Nos ta apoya y fortalece e posicion di nos clientenan ofreciendo medida y solucionnan dirigi riba sostenibilidad, cooperacion, participacion y autodesaroyo.

Nos sa ken ta nos clientenan pa medio di investigacion y nos por monitoria e desaroyo di e clientenan.

Mandato

Departamento di Asunto Social ta ehecuta of señala encuanto e implementacion di cierto derecho fundamental.

 

Durante e implementacion ta tene na cuenta cu e Ordenansa Nacional 'Maatschappelijk Zorg', AB 1989 no. GT 27  articulo 1: Interveni na un manera sistematicamente cu e meta pa adapta na e caracter individual y e circunstancianan di e personanan y nan famia.
 

Facilita nan den e necesidadnan social y e ora ey evita e menasanan di e necesidadnan social.
Bou di intervencion sistematico kiermen tur actividad proyecta, coordina, supervisa, organisatorio, administrativo y ehecutabel pa lucha necesidad social.

 

Necesidad social mester wordo interpreta den e contexto mas amplio di e palabra, consecuentemente como material, fisico, moral of psikico di tal forma cu ta haci circunstancianan desfaborabel y cu esakinan ta haci cu e individuo of grupo no por mantene nan mes den e sociedad.
 

Ayudo social ta encera utilisa tur medio posibel pa recuri na un manera eficiente y humano pa e persona bira independiente y pa preveni e no cay den un situacion di necesidad di ayudo.

1/1

© 2018 Departamento di Asunto Social - Directie Sociale Zaken

| Oranjestad - Caya Mario E. Harms 11 |San Nicolas- Bernardstraat 75, Aruba |

dsz@setarnet.aw

Tel 528-1100    Fax 583-5171

Bijstand - Guia Social - Bida & Famia - Abogado liber